Nimawiltiyaya na, Isabél, Reyna, karmela. Timawiltiah iwkinon.
Timoilliah, "Pelotah." kemman ta tikmahkawah pelotah, ta xikitski nopa
pelotah. wan tohwantin tikitskiyayah nopa pelotah iwkinin. Entonses
sampa tikmahkawiliah. wan tlan ya axkanah kitskia nopa pelotah, wetsi
tlalchi hasta ne konkwi. sampa de nopa, konkwi pelotah, nopa konkwi pelotah
sampa. sampa techwalmahkawilia. Na sampa nikan seyok nikmahkawilia.
wan tlan kiahsi nopa pelotah… Na nikmahkawa wan kiahsi iixko. Entonses,
komo na axnikmahkawilia pan imah iwkinin, wan ya kiahsi, entonses
kiahsi ni pan itsontekon, tsahtsitewa. sampa yowiya kampa nomamah.
"¿Tlechche tikpiya?" "¿Tlechche tikpiya?" "Nechmakilih ne nopipi.
Nechmakayaya pelotah, wan wetsiko pan notsontekon." "sampa xiyaw
xiknechkawiti mopipi," kiillia. san kennopa, san kennopa, san kennopa
kiillihki, san kennopa kiillih. wan después walki sampa. "sampa
nimawiltis mah, no nimawiltis." wan nopa okwichpil, nopa siwapil hasta
witontikah nowkiya, hasta iwkinin kichiwtikah, kineki kiitskis
pelotah. wan nikillia na, "Axkanah, axkanah ayokkanah timawiltis porke ta
tiyaw kampa nomamah." " timotlateillia para na
nimitsmakilia, wan ta ya tikneki timawiltis." Iwkinon nikillia. wan
axtleh, sampa walki. Nikillia para, "Ayokkanah timawiltis naman," nikillia.
kalakki tsahtsi, kalakki tsahtsi wan tsahtsi. sampa kiittato nomamah
"¿kenke titsahtsi siwapil?" "Ne nopipi axkanah kineki ma nimawilti
porke kitl na, porke na nitsahtsi." "Ayokkanah xiyaw, ayokkanah xiyaw,
porke mitsahsis, mitsahsi pelo…, mitsahsi pelotah wan ta titsahtsitiwallaw