Florentine

Inic Chicunahui capitulo

Oncan motenehua inin nechichihuaya in tlatoque in icuac macehuaya

Quetzallalpiloni, coztic teocuitlayo inic quilpiyaya, intzon

Quetzalpatzactli, coztic teocuitlayo in quimama

Tlauhquetzoltzontli tlazotlanqui, quetzalli icuecuetlacacayo

Ihuical huehuetl coztic teocuitlayo, in tlahuiztli in quimama mitotia

Teocuitlamatemecatl, coztic, teocuitlanacochtli coztin in caquiya

Matzopetztli in cuetlaxtli, huey chalchihuitl ololiuhqui,

Anozo huey teoxihuitl ipan ca in imaquechtlan quitlalia huitziloxitica

inic tlachiuhtli inic tlapetzolli

Chalchiuhtentetl coztic teocuitlatica callo,

Iztac tezacatl, xiuhtototica tlamintli,

iztac tehuilotl in intenco caquiya Coztic teocuitlatl in icallo

Coztic tezacatl, in apozonalli teocuitlatica tlacallotilli

Chalchiuhtezacanecuilli, coztic teocuitlatl ic tlatzincallotilli

Teocuitlatempilolli coztic, atototempilolli coztic teocuitlatl

Cuauhtempilolli coztic teocuitlatl

Xiuhcoatempilolli coztic teocuitlatl

Ahuictempilolli coztic teocuitlatl

Temalacatentetl teoxihuitl coztic teocuitlatl icallo

Chalchiuhtencololli, coztic teocuitlatl icallo

Chalchiuhcuauhtentetl, coztic teocuitlatl itzincallo

Chalchiuhcuauhtentetl, coztic teocuitlatl itzincallo

Apatlactempilolli, coztic teocuitlatl

Metztempilolli coztic teocuitlatl

Chalchiuhyacamitl

Teoxiuhyacamitl

Chalchiuhcozcatl ololiuhqui, tlacenquixtilli, tlacecotl

Coztic teocuitlachayahuac cozcatl, chalchiuhtlacanahualli iihtic mani

Quetzalmachoncotl tlazotlanqui nepapan tlazoihuitica, ihuan coztic teocuitlayo

Coztic teocuitlacotzehuatl

Quetzalmacpanitl, Quetzaltotoicpacxochitl

Quetzalcuacuahuitl,

Quetzalecacehuaztli coztic teocuitlayo, xiuhmacopilli

Coztic teocuitlachipolcozcatl, Teocuitlacoztic acuechcozcatl

Xochitl, yetl, ineizcahuil tlatoani, tezcatl inic motta tlatoani,

inic mochichihua

amanteca impiyal, in izquich imacehuaya tlatoani

Oceloehuacactli, cuetlaxcactli tlamachiyo, tlamachcactli

Teponaztli, teponaztzatzaztli, huehuetl, ayacachtli coztic teocuitlatl

Tetzilacatl coztic teocuitlatl

Cuicanime, mihtotiani, teponazhuani, huehuetzonani, tlatzotzonqui, cuicaitoani

Tlahuizpetlacalli, in oncan mopiyaya, in ixquich omito.

Huehuey toptanatli, in oncan mopiya, in chalchiuhtentetl

In teocuitlanacochtli, in teocuitlacozcatl, tzoncalli,

Xayacatl, teocuitlaacazhuatl coztic teocuitlatl

Xochiquiyahuitl momanaya, in tecpan ithualco,

Inezca catca: ca macehuaz in tlatoani

Tezcatanatli, tzicuahuaztanatli, olmaitl inic motzotzona teponaztli