Florentine

Inic macuilli Capitulo

Ipan mihtoa: in ye quezquitzonxihuitl poliuh Tollan

In ixquichca xihuitl, de 1565

In altepetl tollan, cenca huey altepetl, huel mahuiztic

Cenca miyequintin oncan nenca, in chicahuaqueh, in tlamatinih

in intlatollo mihtoz in ipan ic matlactli amoxtli.

Ihuan in quen opoliuh, in quenin oxixitin, omomoyahuac:

mochi oncan mihtoz. Auh in ipan,

y capitulo zan ye ixquich oncan mihtoa,

in ye quezqui tzonxihuitl, in opoliuhque tolteca.

Ca ye ontzonxihuitl ipan caxtolpohualxihuitl, ipan mahtlacxihuitl:

oncan huallahci, oncan huallami inin xihuitl 1565.

Auh ye iuh, cempohualxihuitl omome, opoliuh in tollan:

In ahcico in tlalmacehuaco

Omotecaco in chichimeca, in oncan tetzcuco

Auh in yancuican inteyacancauh mochiuh, in iuhquima intlatocauh mochiuh

ipan in tlacat in ixiuhtzin in tocuyo Jesu Cristo. 1246

Auh in azcapotzalco tlatoani in motenehua tezozomoctli

ipan in tlacat in ixiuhtzin totecuyo Jesu Cristo 1348.

Auh in mexico tlatoani, in acamapichtli ipan in tlacat, 1348.

Auh in tlacopan tlatoani, catca in itoca Chimalpopoca,

Ipan in mic ixiuhtzin totecuyo Jesu Cristo 1489.