Inic nahui capitulo oncan motenehua in tlatoque huexotlan.
Izcate, in chichimeca tlatoque catca huexotlan in motenehua acolhuaque
in ompa achto ahcico acolhuacan chichimeca.
Inic ce tlatoani mochiuh huexotlan Mazatzin tecutli
in tlatocat epohualxihuitl ipan caxtolxihuitl ihuan exihuitl.
Inic ome tlatoani tochin tecutli
in tlatocat cempohualxihuitl ipan caxtolxihuitl ihuan exihuitl.
Inic eyi tlatoani ayotzin tecutli
in tlatocat epohualxihuitl ipan matlacxihuitl ihuan nauhxihuitl.
Inic nahui tlatoani Cuatlahuice tecutli in tlatocat ompohualxihuitl ihuan caxtolxihuitl.
Inic macuilli tlatoani itoca totomochtzin
in tlatocat ompohualxihuitl ipan matlacxihuitl ihuan onxihuitl
auh in imacuilixtin, y, chichimeca tlatoque
in huel quipiyaya in itlatocayo
in acampa tequitiya caxtolpohualxihuitl in huel quipix in itlatocayo.
Inic chicuacen tlatoani itoca Yaotzin tecutli
in tlatocat ompohualxihuitl ihuan caxtolxihuitl ipan exihuitl
yehuatl ipan peuh inic tequitque Tepanoaya chichimeca Acolhuaqueh.
Inic chicome tlatoani itoca xilotzin tecutli in tlatocat cempohualxihuitl ipan chicuexihuitl.
Inic chicueyi tlatoani itoca itlacauhtzin in tlatocat cempohualxihuitl ipan chicuexihuitl.
Inic chiconahui tlatoani itoca tlazolyaotzin
in tlatocat ompohualxihuitl ihuan caxtolxihuitl ihuan exihuitl
qui yehuatl ipan mochiuh inic motecac petlatl icpalli Tetzcoco
inic motecutlali nezahualcoyotzin monamicque tlazolyaotzin huexotlan.
Inic mahtlactli tlaoani, itoca Tzontemoctzin: in tlatocat caxtolxihuitl.
Inic matlactloce tlatoani, itoca Cuitlahuatzin, in tlatocat ompohualxihuitl ihuan cexihuitl.
Inic matlactlomome tlatoani, itoca tzapocuetzin: in tlatocat matlacxihuitl ihuan exihuitl.
Inic matlactli ome tlatoani, zan no itoca Cuitlahuatzin, zan tetoca:
in tlatocat matlacxihuitl ihuan exihuitl.
Auh in ye ixquich cahuitl, axcan ipan in xihuitl ticate:
in ye ic mocempohua, in mopiya tlatocayotl huexotla:
ye centzonxihuitl; ihuan chicuepohualxihuitl ihuan oxihuitl,