Florentine

Ic caxtolli capitulo[a]: oncan mitoa in innechichihuaya in cihua.

Huitztecolcuitlalpic huipilli, xoxoloyoh huipilli, quechnenecuilhuazyo huipilli,

xochimoyahuac huipilli, pochuipilli, huehuei tlamachtli itozqui,

toltzayanqui, potoncayo huipilli, cuappachyo huipilli,

coyoichcayo huipilli, xomoihhuihuipilli, tlapaltochomitica xicalnetzollo huipilli,

acocoxochimoyahuac huipilli, ixcuauhcallo potoncayo xoxochiteyo huipilli.

Chicocueitl, patlahuac in iten: coatlaxipehuallo cueitl, patlahuac in iten,

xicalcoliuhqui cueitl, patlahuac in iten, tetenacahcio cueitl,

patlahuac in iten, tlilpipitzahuac cueitl, patlahuac in iten:

cacamoliuhqui iztac cueitl, patlahuac in iten, ocelocueitl,

patlahuac in iten: cuappachpipilcac cueitl, tene:

coyoichcapipilcac cueitl tene.

Apozonalnacochtli, tehuilonacochtli iztac, coztic teocuitlanacochtli:

iztac teocuitlanacochtli, itznacochtli iztac.

Moxahuaya, tlapalhuatzaltica: moxahuaya, tecuzauhtica:

mochapopoxahuaya: copalaxtica mocxioxihuia, tzonqueme,

cuatequeque, atzotzocoleque, maxtlahua, motzonquetzaltia,

quicuatequi in intzon, quiyayacanepanoa in intzon:

tlatetecoa, mopatinemi, quimamahuizmati in intzontecon:

moxiuhquilpa, inic pepetlaca intzon:

motlantlapalhuiya, motlannochezhuia,

momaicuiloa, moquechicuiloa, moquechtetema,

melchiquihuicuiloa, mochichihuaticuiloa.

Motema, mahaltia, momamahuizmati:

pinahuani, cualli mahuiztic, inic tlatoa:

temauhcaittani, teimacahcini, iciuhcayoque, moyolitlacoani.