Tlen ome konemeh kinchapoloa

kihtoa nopa toawi kitlamakatoya nopa

Ikonewan omeh se pilsiwapiltsin wan se

Pilokichpiltsin ke ya kitlamakatoya killia

Para xikinkwapolotih ne mokonewan

Pampa tlakwasnekih xikinkwapololti

wan nikmiktis se piyo kinkwitewki

Nopa ikonewan se pilsiwapiltsin

wan se pilokichpiltsin kinwika ma

kwahkwawiti kimahtsoltewkeh kwanextli

kimahtsoltewkeh kwanextli kiwikakeh

kipotestiyowih yahkeh kinillia inintatah

wenoh nikan xiitstokan na neka niyaw

Niktemoti kwawitl sa kiundalito

weltah walahkiya walahkiya ichan san

kemman kimiktiltokeh piyo ya

kitlamakakehya teikneltsitsin

Nokonewan kanin nikinkawato para 

Naman inihwantin axkikwasseh ni tlen na

Nikkwas wan ya inihwantin komo kwanextli

Tepewtiyawtok wallahkeh

ikxipa ahsikoh kemman kamatitikah 

Inintatah kennopa ya nikan tiitstokeh

Papa timokwapatohya kwalanki

Nopa toawi isiwa tlen killia

Na nimitsillihki xikinkwapololti ne mokonewan

wan naman sampa nepa itstokeh

sampa xikinkwapololti killia sampa

kinkwitewki ya kixipewtiyaukeh

Lima ya kiwikakeh lima kixipewtiyowih

Yahkeh sampa kinkawtikisato

Yahki sampa kinkawtikisato inintatah

Nikan xiitstokan na neka niyaw nitemoti

kwawitl sampa kinkawtewki wallahkiya

sampa kitlamakahkeh anki isiwa

Naman sampa nitlakwassa wan

sampa nikinkwapoloto nokonewan

sampa wallahkeh nopa konemeh. 

kemman kamatitika nopa totlayi.

Para san ya tlakwas axkanah

sampa tiwalkehya papa kwalanki

Toawi nimitsillihki xikinkwapololti–

wan axtikinonkwapoloa xikinkwapololti

kena wankinon ya nikmiktis seyok piyoh

killia nelliya sampa kinkwitewki

sampa kinwikak wankinon ya kimahtsoltewkeh

Arros kimahtsoltewkeh

Arros wankinon kinwikak pan

kwayohkamitl kitepewtiyawkeh wankinon

kena kinkwapoloto nelliya

Pampa arros ya komo itstokeh totomeh

kipehpentiyawkeyah arros totomeh

wankinon ya mokwapatoya totlayi

wallahkiya naman kena naman kena nikinkwapoloto

Nelli naman kena nelliya

Nikinkwapoloto nelliya ayokwelki pankiskeh

Nopa konemeh nikan nikan tiyasseh

Nikanika tiyasseh wan tlayowilkehya wan

Nopa pilsiwapiltsin achi tlallamiki tlallamikiyaya

Inka naman nikan tiyasseh

kiitatoh se weyi kwawitl

wan nopano mero itstokeh weyi tekwanimeh

Nopanoh tlehkokeh pan nopa kwawitl

Hasta iixko wahkapan tlayowahka kil

Mosentilihkeya kitl tekwanimeh san

kikitstokeh san kikitstokeh tekwanimeh

Pilsiwapiltsin killia nopa pilokichpiltsin

Amo ximomawmawti killih ni nikan tiitstosseh

Hasta ma tlanesi tikinkakisseh

kanin tsahtsisseh piyomeh tikkakisseh

kanin eltok nopa rancho nelliya oh tekwanimeh

san mokwahtsiltokeh kimakilih

kwawitl wan ma kiltikate ka ininmah

wan kikistikateh puro inihwantin

wankinon nepa ya itstokeh nopa konemeh

wahkapan tlanestiyahkiya pewkeya

Tsahtsi piyomeh kikakih para 

kanin tsahtsi nelliya yawtiyahkeya temokeh

Tekwanimeh no yawkiya komo yeka

Tlaneskiya kikaktiyowi kanin tsahtsi

Nopa piyomeh kikaktiyowih kanin tsahtsi

Nopa piyomeh yahtiyahkehya hasta kiahsitoh

se kalli nelliya kiahsito

Nopa kalli kiittatoh se tenantsin

Ya tlaxkaltikah

Ya tlaxkaltika wan teipan kikamowitoh

wan ya mayanah ya killia nopa se 

Para ma kikwiti kwawitl tlen

Xoxowika waktok wan ya 

Motlaxkaltektikah nopa toawih wan ya

 kiontemoa itlaxkal axtleh pampa 

Ya ixpitsin nopa tenantsin kiontemoa

Itlaxkal axtlen kimatemoa

Axtlen pampa axtlachiya wan nopa

konemeh ya tlakwahtikate komo

Inihwantin mayanah moillia anki Inihwantin 

pewkiya kinkamowia

Anki inihwantin nechkwilia notlaxkal

kikamowihkehya komo ixwikehya

Inihwantin teipan ne kamowihkehya

Para inihwantin kiniknelihkiya

kinillia para ma tlakwakanya kiniknelihkiya

wankinon kena kinawatik 

Ma atlakwitisseh pan chikiwitl

Ma kwiti atl wan se 

Xoxok kwawitl ma kwitikewak san

Xowikawaktok tlanki ya pewkiya

kinmokwitlawia ya kinpixtok

Ya kintomahtiyahki welis

Ya nopa ixpitsin kinekki kintomawas

Pewki kintlamaka teipan kinmachiliaya

Pa inimahmahpil wan nopa

siwapiltsin ya achi tlallamiki moitskilihkeh

se kimichin wan kikwilihki 

Ikwitlapil wan yanopa kemman kinmachilia

Pan imahpil tlan tohtomawakehya

Nopa kimichin ikwitlapil

Ya nopa kimakah nopa tenantsin

kinihmachilih ah mechpoloa para inmotomawasseh 

ayokkana mas kintlamaka para ma motomawakan ya 

kemman sampa kinmachilia komo siwapiltsin

Ya achi tlallamiki yannopa kimichin

Ikwitlapil ya kimaka ya kimachilia

Pitsaktsin ayokkana motomawa

kennopa kichiwtiyawkeh para 

Axkinkwahki

Nopa tlankeh.