Ome iknimeh: Wiwi wan tlallamiki

Yewahkaya itstoya wiwi wan se tlallamiki; iknimeh. 

Yahki tlamewato nopa tlen tlallamiki, wan teipan killih pan se

yahki tlachiyato tlen wiwi para axtlen tekititok: 

toikni axeltok para titekitis killih

Axeli para titekitis mejor na nitekitis killihki.

wan teipan nelliya nopa wiwi.

–wankino ta xitekiti toikni, na niyassa teelia nopa tlen tlallamiki, 

pero kwalli xitlamewti.

wan nelliya mokawki nopa wiwi. Pewa tlamewa, tlamewa, 

kitlamitsontekki toktli tlen nopayo eltoya. 

kitlamitsontekki toktli wan ahsito ichan wan killi para

Toikni na kwalli nitlamewa, xitlachiyati tlan tikneki, 

naman kena tlanempan ne millah

Yahki tlachiyato imillah kitlamitsontektokeh toktli wan teipan:

–Toikni, pero ta titlamitsontekki toktli killih, 

na nimitsillihki xikmewa xiwimeh, nopa toktli xikkawti. 

Pero tinechillihki ma nitlamewa, na nitlamewato, 

naman nitlanki nitlamewa killi; kennopa para titlamewas.

Teipan, Axkenihkatsa toikni namah tiyasseh a medias ni kaballo 

kitekiwia nopa wiwi, kikwik se hacha: 

¿tiyasseh a medias ni kaballo toikni? 

–kena. weno… yeka na nikkwiti se hacha wan niktlahkotsontekis.

kikwito se hacha nopa wiwi wan kitlahkotsontekki, 

kitlahkotsontekki nopa kaballo. kemman killia nopa iikni: 

wan para kenke tiktlahkotsontekki nopa kaballo? killihki. 

Nopa tiktekiwiskiah, tiyasseh Ameya tiktekiwiskia, 

Axkana para tiktlahkotsontekisseh.

wan teipan kitlelki nopa wiwi, kitlelki iikni: 

naman tlen tikillis ni tiktlahkotsontektok ni kaballo? kitlelki. 

¿keniwkatsan tikchiwas wan ni axtiknamakasseh?

–kena toikni ni namantsin tiknamakaseh killihki. 

Namantsin tiknamakasseh ni nakatl.

Motempipiski nopa wiwi, kinnotski tsopilomeh 

kitlamihkeh nopa nakatl. 

kitlamihkeh nopa nakatl tlen tsopilomeh.

Nopa kwento tlatlanki wiwi nopano.

sampa teipan killia nopa iikni:

Toikni, ne mamá mokokoa. Na niyas nitekititi wan ta ximokawa toikni killi. wan tiamanas wan tikaltis ni mamá. 

Xikmana se paila wan yamankatotonik nopa atl ika tikaltis. 

Nelliya kikawtewkeh nopa wiwi. 

Pehki asasaka, asasaka wan kimolonia atl. 

kemman mero molontika nopa atl kikwito imamá para kialtis ya mokokoa.

 kemman kitlahkoaltih, nelliya san tlami lochonki, 

san omopapakki…mikki. 

Naman kena mochikawki nomamá kitohki. 

kisewito iika puerta wan kitlankwaltih se tochon, 

Ni tlakwa nomamá moilli. 

wan kimakahsi para ahsiki nopa iikni tlen tlallamiki, 

moilli para kenke kimikti imamá. 

kisewi puerta iika ipan se kwasiyah 

wan kitlankwaltih se tocho wan kinotsato totahtsi, 

para ma kittati, ma kimisahtiti, para ma mochikawkiya.

Nelliya nopa wiwi kinotsato, walki nopa totahtsi wan killiko:

–¿wan kanin itstok momamá killia?

-Nepa itstok. Xiktlekana killih totahtsin.

kitlekantewki totahtsin kaltopewato 

astah nepa wetsito nopa tlen kitlankwaltitoya se tochon, asta ne wetsito.

 kwatsahtsitewki nopa wiwi:

-Naman kena tikmiktih nomamá, ya tikmiktih nomamá, 

namah nochi titlaxtlawas kemma kitokasseh. Ta tikmiktih nomamá.

kikawilkehya nopa totahtsi para ya kimiktih nopa wiwi imamá.Teipan nopa tlatlanki wiwi.

san teipan teillia teikni tlen tlallamiki, killia nopa wiwi:

Toikni, naman wallasseh tlachtekinih ni tlayowa, 

wan naman ticholoseh, tiyasseh wahka killia, 

tikistewasseh nikanin. 

Xikkwitewa ne puerko wan tiyasseh wahka, 

tkwikasseh sikiera ne puerko, tlan tikawtewasseh kichtekisseh. 

Teipan nelliya kikwitewki ne puerko. 

Ne wiwi kitlelkeh ma kikwitewa puerko, 

wan ya axkanah kikwitehki puerko, ya kikwitewki puerta. 

kikopewtikah ipuerta, axweli kikopewa, owi kikopewki.

–Toikni pero na axkana nimitsillih xikkopewa nopa puerta, 

nimitsilia tikkwitewasseh puerko tiwikasseh amo kichtekikan.

Axkeniwkatsan axkeniwkatsan toikni, 

yahkaya tikwikasseh ni puerta, tiktekiwisseh para pan tikochisseh. 

Yahkeh, yahkeh…kwatlehkotoh pan se amakwawitl tlayowa, 

weyi nopa amakwawitl. 

Tlehkokeh wahkapan ika ipuerta, kiwika nopa wiwi ipuerta mochihchiwaltih, 

Ahsitoh ne wahkapan eltoya komo 10 de la noche. 

Pehkehya mosentiliah itsallan nopa amakwawitl nopa tlachtekinih.

Mosentiliyayah, kipowtikakeh inintomih nopa tlachtekinih. 

Nopa wiwi ya ne wahkapan itstok, iwanya nopa se iikni.

kemman motleli nopa wiwi ma kimahkawa ipuerta. 

kemman kimahkawki ipuerta, 

nopa tlachtekinih tlen itstoyah itsalan nopa amakwawitl, 

tlachohcholoyaya, tlachohcholoyaya wan kitoyayah: 

¡namah kena waltemo Dios, waltemo Dios! 

Ya nopa puerta tlen kimahkawkeh. 

Moillihkeh Dios ya puerta. 

Tlen kipowayayah tomih kitlamikawtehkeh. 

sampa tlatlanki nopa wiwi. 

Teipa nopa wiwi temokeh iwanya iikni 

kipowkeh nopa tomin tlen nopa tlachtekinih kipowayayah. Tlatlanki nopa wiwi, elki riko.