Ne tsopilotl wanya ne oztotl
killia ne tsopilotl uta
kwalli titlakwa tsopilotl
yehyektsin ta titlakwa
kena na kwalli ni tlakwa
pero na nipano trabajo
puro ne kwatitlan niitstok
ostotl ya kihtoa ya axkwalli tlakwa
tsopilotl kwalli tlakwa pampa tlan miki se animal, ya kikwa
ma tlan tikneki no xiyaw
ma tiyakan tlatemotih tlen titlakwaseh
pero keniwki niyas wan axnikpiya noeltlapal
wan killia xitlatski ni nokwitlapan
wan tiyaseh titlatemotih tlen titlakwaseh
ostotl, tlatskitoya ne ikwitlapan
ne kwitlapan tsopilotl
patlankiya tsopilotl yawiya
tlachiya iwkinin tlan axtlen wetstok se animal para tlakwaseh
mas tlehko mas tlehko mas wahkapan yowih
wahkapan ya yawki
tlachiya para kanin miktok se animal
se toro se burro se cawayoh
wan kitl mas tlehko tsopilotl
keni mochiwa, keni mochiwa, tlamaaki nopa ostotl
tlatsintlan wetsiko miktok
nopa tlanke mayanayaya mikki ostotl
yanopa kwentos nikmati